الحضانه

الحضانه تجربه قاسيه جدا في البدايه على كل ام

لان بيكون جواها احساس بالذنب ناحيه الطفل انها بتبعده عن حضنها بارادتها
خصوصا لو اضطرت انها تنزله في سن صغير عن المعتاد

الشطاره انك تكوني مقتنعه ان ده في مصلحه الطفل
لان توترك الطفل بيحس بيه
كل ما تكوني واثقه من قرارك كل ما ده ينعكس على طفلك و يساعده على تقبل الامر الواقع
الاسبوع الاول هو اسوأ اسبوع...... حاولي ترتبي له من قبل
لا تعودي على البيت انزلي اخرجي اشغلي نفسك باي شيء
بعد كده ح تتعودي على  البكاء كل يوم الصبح

ولما يرجع الطفل مبسوط من هناك ..... ح تنسي تماما بكاء الصباح
ولما ينتظم النوم والاكل ..... ح تحمدي ربنا كل ساعه علي نعمه الحضانه

لذلك ..... لا تتردي ابدا في هذا القرار ..... ولا يصعب عليكي لانك عايزة مصلحته

الحضانه بتغير شخصيه الطفل الي الاحسن و بتنمي فيه مهارات الاتصال مع العالم الخارجي و الاندماج مع الغرباء

واستشيري اصحابك ...... واقبلي منهم التشجيع

ابنك محتاج الي الحضانه ..... مش انتي