كيف أكون أمة ربانية ؟؟؟

لكي تكوني أمة ربانية "اختي المسلمة "عليكي بمعالجة قلبك وخلقك وأعمالك "جوارحك "وذلك بعمل بعض التدريبات التي نطلق عليها ''تدريبات اللياقة الإيمانيه '' وهي :
1-معالجة القلب 

وذلك عن طريق ...الصدق مع النفس ..المحاسبه اليومية ...الاستقامة والمداومة على العمل الطيب ...استحضار النوايا في كل عمل نقوم به .....الرضا والإحسان ....

2-معالجة الخلق 

التخلق بخلق الرسول '' صلى الله عليه وسلم '' ...الرحمة ..اقوم بما يوافق الشرع ...العفو والسماح عمن أساء إليك ..الايثار والتضحية  
قلة الكلام .... كثرة الدعاء ..


وغيرها كثير مما يحتاج منا للمراقبة والاصلاح .

3-معالجة الجوارح 

تربية الجوارح تحتاج إلى صبر ومجاهده واحتساب الاجر عند الله سبحانه وتعالى ...

تقليل ساعات النوم '' لنبعد عن الكسل ''
تقليل الطعام '' يعينك على أداء الطاعات بنشاط وهمه ''
تفريغ الوقت لله عز وجل '' استغلال كل وقت فراغ للاستغفار ..قراءة القران ..الصلاة ....الخ ''
التفكر في كل شيء '' عيوبنا لنصلحها ..خلق الله لنزداد حبا له ..وحمدا له على نعمه التي لاتعد ولا تحصى ...الخ ''
تنزيه اللسان عن النقائض '' نحفظ ألسنتنا ونشغلها بالذكر ''

بعد أن علمنا مدي احتياجنا لرمضان ..
وكيف نكون ربانيين 
نريد أن .........


نحول طريقة صيامنا من عادة إلي عباده بإحتساب وإيمان 
                                 حتي 


يرحمنا الله ويغفر لنا ويعتقنا من النار 


اللهم أمين 

في الختام اسال الله تعالى 
أن يبلغنا رمضان ويرزقنا قلب جديد وأن يسخر لنا جندا من جنود السموات والارض يعينونا على الطاعات 
اللهم ارزقنا الجنة من غير حسب ولا سابقة عذاب 
اللهم إجعلنا أول من اعتقت رقابهم في رمضان 


والسلام عليكم 

لماذا نحتاج رمضان ؟؟

نحتاج رمضان لأنه فرصة اتفرغ فيها لربي ...ولنفسي لاربيها .

نحتاج رمضان لنفك عن أنفسنا دائرة الشح والبخل التي إعتقلتنا طوال العام ...وهذا بالاكثار من الصدقات وافطار الصائمين و......

نحتاج رمضان لسلوك طريق الهدايه والاصلاح وتحسين العلاقات الأجتماعية التي فشلنا فيها طوال العام .


نحتاج رمضان لانه يجمع كل العبادات ....فنخرج منه بشحنات إيمانيه عالية .......


في النهاية ....مهما تحدثنا عن احتياجنا لرمضان فلن ننتهي ....


ثانيا ....
س كيف أكون أمة ربانية ؟؟


يتبع 

لماذا نحتاج رمضان ؟؟

..

نحتاج رمضان لنقف مع أنفسنا ونحاسبها على مامضي في العام السابق فنحن نعلم ان العام الاسلامي الجديد يبدأ من رمضان ...فعلينا أن نقف مع أنفسنا وننتهي مما علينا من ذنوب وعهود لم تنفذ وخصومات بين الناس وقطيعة رحم و.........

حتى نبدأ عم جديد نظيف ونقي ...اخلص فيه كل أعمالي لله وأصرفها لوجه الله عز وجل...وأكفر فيه عن سيئات العام الماضي وذلك بالإكثار من الطاعات والعبادات الخفية .

...نحتاج رمضان لأنه فرصة أخيرة لكي اتوب وأصلح اموري مع ربي ..لأني من الممكن أن أموت في أي لحظة ....

فعلي أن أستعد و اتطهر و أتبرأ من ذنوبي حتى اموت على 

نية  حسنه .  

نحتاج لرمضان لما فيه من مزايا ليست في باقي الشهور ....

من  هذه المزايا :-

أن الفريضة فيه تعادل 70 فريضة 

أن  السنه المؤكده فيه تعادل فريضة تامه 

أن  النافله فيه تعادل سنة مؤكده 

أنه  تصفد فيه مردة الشياطين أما الصغار فلا .....فاستحي أيها الانسان على نفسك أن يضحك عليك شيطان صغير ولا تستطيع مقاومته  ثم تعود وتتكبر وتعجب بنفسك .......

أن  دعوتك فيه لا ترد ..لأن دعوة الصائم عند فطره لا ترد .

أن  الله يتنزل في ليل رمضان خاصة أوله وأوسطه واخره .....أما باقي الشهور فيتنزل في الثلث الاخير من اليل فقط .

يتبع  

                                             رمضان مبارك 

مامعنى رمضان ؟

رمضان في اللغة من الرمض ..وهو الحر الشديد 

وكأن الحكمة من هذا أن يعلم الله الانسان الشدة على نفسه ..لأن الانسان عندما يتعلم الشدة على نفسه يكون شديد على اعداءه .

لذلك ...فنحن نحتاج ان نخرج من الخمول والكسل ونحدث طفره   إيمانيه في حياتنا وذلك بمعرفة التالي :-

اولا ...

س ..لماذا نحتاج رمضان ؟

نحتاج رمضان لكي اعد كل خليه في جسمي لله عز وجل لكي اصبح أمة ربانية ولذلك يجب علي ان أستحي عندما أرى كل الكائنات والجمادات تسبح الله وأنا الوحيدة الغافله عن ذكره .

 علينا ان نعتبر رمضان محطة إيمانيه تكريريه تنظفية لقلوبنا وانفسنا ...

يتبع 

دكتور الاسنان

كعاده كل الشعب المصري  العظيم قرار الذهاب الى دكتور الاسنان مؤجل منذ ما يقرب من سنتين ....

السبب الاول  للتأجيل هو "الخوف" نعم ...كلنا بنخاف من الجلوس تحت يد دكتور الاسنان

و السبب الثاني هو" الحالة المادية" .... لان طبعا الذهاب الى دكتور الاسنان يحتاج  ميزانية مستقلة

وفي نفس الوقت السبب الرئيسي الذي يجبرك على اتخاذ قرار سريع مهما كانت الظروف هو "الالم" ...نعم ... حيث ان آلام الاسنان لا ترحم.

وهذا ما حدث معي......الالم دفعني الى البحث السريع عن افضل دكتور مهما كانت التكلفة...... لانني لا انوي الذهاب له بعد الانتهاء من العلاج الا للضرورة القصوى.

اتخذت رحلة العلاج حوالي شهرين او يزيد قليلا ...لكن الدكتور الصراحه ممتاز. 

صحيح هو غالي جدا... لكن... انا مطمئنة ان الالم لن تعود مثل ما كانت عليه.

اهم فايدة من موضوع دكتور الاسنان ده هو اكتساب مجموعه  من العادات المهمة للمحافظة على الاسنان وهي :

1-      غسل الاسنان بالفرشاه على الاقل مرتين في اليوم صباحا و مساءا .( انا مداومة على صباحا وبحاول في مساء)

2-      استعمال نوع مضمضه كويس يفضل استشارة الطبيب. (انا الدكتور كتب لي نوع حارق جدا وبحاول المداومة عليه)

3-      في حاجه اسمها خيط الاسنان موجود في الاسواق لكن احنا مش بنستعمله و بنستعمل بدل منه خله الاسنان و ده خطأ كبير، الخيط احسن كثير من الخله،

 و المفروض يستعمل بعد كل اكله .( انا طبعا لسه مش منتظمة نهائي ...لكن بحاول و الله)

4-      بعد الانتهاء من العلاج بالف سلامة المفروض يكون في موعد دوري للمتابعه ...خصوصا لو في تركيبات ..... وفي الغالب بيكون مرة كل ستة اشهر.( انا ناويه على كده ان شاء الله)

لازم يا جماعه نحافظ على اسناننا ...... على الاقل لتجنب الالم الرهيب....وربنا يحمينا كلنا يا رب.

بهجت و منير

مرة زمان وانا بشتغل ...جه الفراش و قال لنا  انه مريض و عنده مرض اسمه" بهجت"  وجاب معاه الروشته بتاعت الدكتور

طبعا قعدنا نضحك "بهجت" ......هاهاهاهاهاها

طبعا بعد كده عرفنا ان في حاجه اسمها مرض "بهجت" و كمان علشان تكمل في مرض تاني اسمه "منير"

ومرة تانيه كنت مع مجموعه من الاصدقاء ....فكنا بنتكلم عن الحاجات الغريبة ...... فقلت لهم على هذين المرضين....وطبعا ضحكوا لما شبعوا و كنت  فرصه عظيمة للمسخرة ....مع العلم انهم مهندسين وعلى مستوى تعليمي عالي ....لكن لم يصدقوني فعلا

فحبيت اقول لكم ان في امراض في الدنيا اسمها كده " بهجت " و "منير"

بس لما تسمعوا الدكتور بيقولهم مش زي ما بيكتبوا....فلو شوفتوا في الروشته مرض "بهجت" لا تستغربوا و الاهم لا تسخروا من صاحب المرض 

لان هذين المرضين من اصعب الامراض ....سبحان الله

عن مرض " بهجت"
http://ar.wikipedia.org/wiki/%D9%85%D8%B1%D8%B6_%D8%A8%D9%87%D8%AC%D8%AA

عن مرض " منير"
http://ar.wikipedia.org/wiki/%D9%85%D8%B1%D8%B6_%D9%85%D9%86%D9%8A%D9%8A%D8%B1

و انا كمان بدأت

وانا كمان بدأت دايت

واقنعت زوجي

بل انا بدأته من أجله

و الحمد لله نجحت معه

الاسبوع الاول نزلت على الميزان حلو و كنت بالعب رياضة كمان

اما هو فقال لي لن اكمل معك.....ها ها ها

عندما رأى ورقة الاسبوع الثاني .....لم يستطع الاعتراض

لانها ببساطة ليست حرمان كما كان يعتقد 

بل مجرد تقنين و تنظيم

و هو احس بالفرق في مقاس ملابسه

بل عندما قررنا الاستمرار في هذا النظام اثناء الرحله

كان هذا فكرته.....ونجحنا في تطبيقها بلا تعقيدات

لان كل شيء موجود

الغذاء الصحي موجود ..... و الغذاء الغير صحي موجود ايضا

و عليك يا ابن آدم الاختيار

كمثل كل شيء خلقه الله لنا و ترك لنا الاختيار 

بين الصالح و الطالح

صحيح اننا عدنا من الرحله بوزن زائد

لكن بلا دهون ..... وحركة اكثر

ولم نعد بتخمة و الحمد لله

ارجو من الله التوفيق و الثبات 

ان شاء الله

الرحلة

جميل جدا انت تذهب في رحلة و لو لايام معدودة

مش لازم ابدا اسبوع ولا حاجه

انا ذهبت لمدة اربع ليالي في رحلة الى الغردقة

كانت ممتازة

حيث الجو كان ممتاز لي و لطفلتي

حتى انها نزلت البحر و حمام السباحه

وانا فصلت شوية عن كل حاجه

و خصوصا الاخبار السياسية

بجد اربع ليالي استجمام

في فندق جميل

و طبيعه جميلة

كفاية الجلوس على البحر و الغذاء ايضا على البحر

لا بجد لازم كل فترة كده يحدث تغيير

بيفرق كثييييييييييييييير جدا جدا

هذا هو الفندق يا رب يعجبكم

http://www.steigenbergeraldauclub.com/gallery.html

The Doctors & Dr. Oz

يعرض على قناة Mbc 4 .....برنامجين في غاية الاهمية وهما:

في رأيي أن متابعة هذين البرنامجين ......شيء مهم جدا في الحياة 

حيث ان بهما كم هائل من المعلومات الطبية و الصحية المفيدة و السهلة

معلومات عن الصحة العامة ..... و الاكل المفيد ونصائح عن صحة الاطفال 

وتغذية الكبار ..... و حتى عن التجميل سواء الطبي او الطبيعي

ووصفات سهلة لكل الاسرة

هذا طبعا الى جانب بعض التعقيد

حيث انه يوجد الكثير من المنتجات الغير متوفرة هنا في بلدنا

لكن اعتقد انه يوجد بدائل

اعتقد ان الجلوس ساعه و مشاهده هذين البرنامجين

 مع احضار ورقة و قلم لكتابه كل مفيد للاسرة 

لا يعتبر ابدا مضيعه لاي وقت.

SONG

أكثر من عشرة أيام مكتبتش حاجه عن الرجيم .....
ماشي كويس الحمدلله ...بس دلوقتي عايزة أسأل عن حاجة 
إيه أكثر أغنية بتحبيها ؟؟؟؟
ماحدش يقول فيه أغاني كتير !!!!!!!
أنا عايزة أكتر واحدة ؟؟
دي اكثر أغنية أنا بحبهـا 
what about yours

الميزان

السلام عليكم 
طبعا بعد أسبوع من الرجيم ....
والجوع ..ومحاولات الاكل من وراء ورقة والرجيم ...


جاء يوم الميزان ....
أنا كنت رايحة قلقانة جدا أحسن أكون منزلتش وخايفة من موضوع الوزن ده ...
وافتكرت حالنا على الصراط يوم القيامة وامام الميزان ليزن الله اعمالنا ......
يعني الوحد قلقان من كام كيلو جرام مش حيودو ولا حيجيبوا .....
أُمّال يوم الميزان الحق حنعمل إيه ؟؟
اللهم ثقل ميزاننا عندك بالحق يارب العالمين ...أمين 


المهم طلعت على الميزان وأنا بأقول الستر يا رب 


ولقيت الدكتورة بتقول :برافو عليكي 5 كيلو ........


إيه الهنا ده ..إيه السعاده دي 


كنت فرحانة جدا ..وده خلِّي عندي حماسه كبيرة قوي اني اكمل المشوار 


يلا بقى ....هانت 
برة اقولكم النظام الجديد 

السينما

انا احب السينما و مشاهدة الافلام العربي او الاجنبي

و احب ان استخلص الهدف من  الفيلم

ساعات في افلام بصراحة لا هدف منها  .....مجرد التسليه

وساعات في افلام بتكون حالة جميله.....لهذا اود ان اشاركم معي في تحليل بعض افلام العربي و الاجنبي....... اذا سمحتم لي

مارايكم في الفيلم العربي "الديلر"؟؟؟؟

انا لم احب الفيلم ....ولم استوعب الهدف منه

بل كل ما خرجت به من الفيلم هو ان اوكرانيا و تركيا يعتبران معقل المخدرات في اوروبا

وان هذا هدف الشباب المصري و العربي ايدا من السفر الى هذين الدولتين......

وخصوصا لو كان شاب بلا مستقبل او منحرف كما هو الحال مع شخصيتين الفيلم :

"أحمد السقا " و "خالد النبوي"

لو هي دي صناعه السينما الي عايزين نوصل بيها الى العالمية ..... اعتقد ح نفشل

على الصعيد الاخر و قبل هذا الفيلم بيومين شاهد الفيلم الاجنبي "waitress"

تحفه

ينقلك من حاله الاستسلام الى الواقع المرير ....و الظروف السيئة .....والهروب المرير

الى حالة الدفاع عن النفس ..... والانتصار على الظروف و مواجهة الواقع بكل شجاعه و تغييره كمان

الفيلم حاله جميله لانسانه مبدعه..... لكن مدفونه..... بسبب الظروف 

واستسلامها لها......لكنها في النهاية اخذت موقف شجاع

وقلبت الفشل الى نجاح 

فيلم جميل يستحق المشاهده 

الوقت المناسب للرياضة

السلام عليكم ....


طبعا الوقت المناسب للرياضة في رأي كثير من الاطباء ...والرياضيين هو الصباح 
الكل اجمعوا ان الوقت ده بيخلي الجسم نشيط طول اليوم وبيساعد في عملية الحرق 
........لكن.....
إذا ماكنتيش فاضية الصبح ممكن تلعبي بعد العصر أو المغرب 
ده بردوا مفيد وأحسن من مفيش .....

طيب نلعب إيه؟؟؟؟؟؟؟؟


الصبح طبعا الجو جميل ونسمه ترد الروح ...أكيد المشي والجري أحسن حاجة ...


بعد العصر .....الأجهزة والايروبك 


بعد المغرب كل شيء متاح ...خارج الصالات وداخلها ....


المهم ...يكون اللعب بعد الاكل بحوالي ساعتين 
شرب الماء للتعويض 
حذاء خفيف
ملابس قطنية

وبالهنااا

Dreams do come true if you dream

In the Name of Allah, Most Gracious, Most Merciful

Dreams......

What are Dreams?

I guess dreams are not those seen while sleeping ... They are not the thoughts or refection of events that are shown in images while sleeping

Dreams are those images that we picture ourselves in while we are awake focusing and concentrating on one idea ...

They could be simple and daily and could be wild and ambitious looking forward for hundreds of years to come...

They could be fruitful like an apple tree amid a deserted land

And could be hazardous like a timed bomb

We know that whoever does not dream ... is not actually living

But no body does not

Dream as much as you can ...

I am dreaming of finishing this article ... Simple

I am dreaming that you would like the article ... Probable

I am dreaming to have an influence ... Reachable

I am dreaming of being what I want ... Hard

I am dreaming of being Super ... Impossible

I have to dream of what I am capable of even if it is hard but dreaming of the impossible leaves nothing but misery and feeling of illusionary failure that I want to put myself in and live as sad as I can to blame others, myself or may be bad luck ...

Dream as much as you can

Dream as how as you can

Dream as hard as you can

الرياضه ....

السلام عليكم
كلنا عارفين ان مع الرجيم لازم يكون فيه رياضه ...مشي ...جري 
سباحه ...ايروبك ....الخ 
بس هل احنا عارفين إيه الطريقه السليمة لممارسه الرياضه ؟
وامتى افضل وقت لممارستها ؟
وإزاي احصل على افضل النتائج ؟؟؟؟؟؟
أنا مش هأقول دلوقتي بس حاسبكم تفكروا لحد بكرة 
ونشوف ......
اشوفكم بكرة

مجموعه الدعم

                                                       
اكيد كل واحد فينا عنده صديق او اكثر يعرف عنه كل حاجه.....وهذا الصديق هو اول واحد بيتصل بيه لما تحدث لو حاجه حلوة او لا قدر الله وحشة....

السؤال هنا : هل هذا الصديق يدعمك؟؟؟؟؟؟؟؟

أي عندما تتخذ قرار صعب عليك أو عايز تعمل تغيير خطير في حياتك تجد هذا الصديق دائما في ظهرك يدفعك الى الامام ....بل و ممكن يقترح عليك اي حاجه مفيدة و يدعمك فيها.....

سؤالي انا : هل هذا الصديق يكفي.....ام تحتاج الى ناس اكثر؟؟؟؟!!!!!!

بالنسبة لتجربتي الشخصية.......حاجات حاجات

يعني في حاجات بتكون محتاجه لمجموعه من الناس ....مش لازم يكونوا كلهم اصحابي ...لكن شرط يكونوا مشتركين معي في حاجه معينه

مثلا: عايزة اتعلم الخياطة ....مهم بالنسبة لي يكون عندي مجموعه اجرب معاها و اغلط معاها و اتعلم معاها و نفضل مع بعض في هذا الموضوع....

كمان الموضوع ده ناجح جدا في حفظ القرآن...علشان نشجع بعض و نسمع لبعض

 و نتابع بعض

وكده

انا رأيي ان مجموعه الدعم مهمة جدا......هل عندك مجموعه دعم؟؟؟؟؟؟

قرفة بالزنجبيل

السلام عليكم 
مفيش أحلى من إنك تشربي كوب قرفة بالزنجبيل قبل النوم......
حتقولي ....ممم طعمه وحش ..يع مش قادره أشرب الحاجات دي ....


ماينفعش نقول على حاجة مفيدة الكلام ده ..لازم نتعلم ان احنا نحب الحاجة اللي تفيدنا ..
أول فايدة من فوائد القرفة ..  تقلل من انتفاخات الأمعاء.
القرفة تشجع الجسم على حرق الدهون بقوة و لذلك فهي تحارب السمنة و تصلب الشرايين.   

الزنجبيل قد يساعد في تخفيف آلام الصداع الناتجه عن التوتر النفسي وأوضح الباحثون أن فعالية الزنجبيل تكمن في قدرته على تقليل أنتاج مركبات (بروستاجلاندنيز) المسببه للألم في الجسم فضلاً عن كونه راخياً للأعصاب والعضلات حيث يساعد على الاسترخاء وتخفيف التوتر لذلك فهو يسهم في تخفيف آلام الصداع الخفيفه ................:ولكن مزجه مع البابونج وزهرة الزيرفون يعطي مشروباً أقوى وأكثر فعاليه في إزالة الصداع والتشجيع على الاسترخاء. http://softsb.com/forum/topic23938.html


واهم فايدة ان المشروب ده يخليكي تصحي من النوم علشان تدخلي الحمام .....
وأكيد حاتصللي الفجر مادام صحيتي....
ولو كانت دي نيتك فعلا حتاخدي الاجر إن شاء الله
ربنا يوفقنا لما يحب ويرضى 

توست ولبن

السلام عليكم ..
طبعا ان مكنتش متخيلة اني ممكن أشرب لبن كده في يوم من الايام..
بس شربت والحمدلله مكنش وحش ....
الفطار كان مفروض 2 توست +جبنة +لبن 
عملت ساندوتش بالتوست والجبنة وسخنت  التوستر علشان الجبنة تسيح .....بنعمل جو يعني .....
وكمان كوب اللبن المنزوع و..آكل قضمه واشرب حبة .....
كان جميل قوي وخلاني أحس بالشبع فترة طويله ..فعلا التجربه بتقول اني أقدر
نعم ..ان شاءالله اقدر ..


وإنتي كمان ...وكل واحد يعقد النية إنه يعمل حاجة 
ويتوكل على الله إن شاء الله ربنا حيوفقه ....

good luck for all 

بس إبدئي

نفسي اروح الجيم!!!!

نفسي أبدأ رجيم!!!!!!!!!!!

نفسي أروح لدكتور السنان!!!!!!!!!!!

نفسي أهدى شويه!!!!!!!!!

نفسي أتعامل مع الناس احسن من كده!!!!

نفسي في حاجات كثيرة .... ومش عارفه اعمل منها حاجه

ليه يا ترى؟؟؟!!!!!!!!!!

علشان منتظرة صديقتي تيجي معي......

نفسي زوجي ييجي........

لما ولادي يشدوا حيلهم شويه.........

كل دي حجج

لو عايزة تعملي حاجه لا تنتظري أحد .....ولا تنتظري الظروف تتغير لانها لن تتغير

بل ستزداد صعوبه على طول الخط

و انتي ح تتعطلي كمان و كمان

بس إبدئي ..... وأعقدي العزم و النية .... وربنا إنشاء الله ح يسهل ليكي كل عسير ان شاء الله 

سلطة تونة

سلطة التونة 

المقادير 

علبة تونة مصفآه من الزيت 

طماطم 

جزر مبشور 

خيار 

جرجير 

فجل(حسب الرغبة)

خس (كل انواع الخس المتاحه )

بصل 

ليمون -خل 

الطريقة 

قطعي الخس والبصل والطماطم والجرجير حسب الحجم الذي تفضليه 

ثم ضعي المقادير في طبق كبير ضعي الجزر المبشور والتونة 

قلبي المقادير ثم أعصري الليمون ورشي الخل 

بالهنا 

ده كان الغدا بتاع النهارده ..الحمدلله أنا شبعت مكنتش فاكرة ان التونة ممكن تشبعني

جربي السلطة دي على الغداء فعلا خرافية  

أول يوم المهم البداية

السلام عليكم
وصلت السوبر ماركت وطلعت الورقة اللي فيها الرجيم ..إيه ده مفيش أكل ولا إيه ؟ الدكتورة كاتبة عينات 


وبعدين إنتي مش عجبك من أولها احنا قلنا إيه؟ حنعمل رجيم يعني حنعمل مش عايزين إحباط ولقيت قائمة المشتروات لازم يكون فيها الاتي :
توست رجيم طري -زبادي -عسل اسود -خضار للسلطة -جبن قريش بيض -تونة _فاكهة 
اشتريت الطلبات وروحت على البيت علشان الوجبة اللي بين الفطار والغدا
نسيت اقولكم ان الرجيم كان كالاتي :
الفطار ..2 توست +قطعة جبن   (بس مفيش بيضة ولا طبعا فول ولا معلقة عسل )
بين الغداء والفطار ...زبادي بالعسل الأسود (إيه الشبع ده ) 
الغداء ...سمك مشوي أو تونة (علبة واحدة طبعا ومن غير زيت )+سلطة +ربع رغيف 
           أو جبن قريش بدل السمك (بالهنا)
بين الغداء والعشاء ...2 ثمرة فاكهة (على اساس إيه ان المعدة في حجم فنجان القهوة )
العشاء .. كوب لبن +فول بالسلطه (من غير زيت طبعا )
          أو جبن قريش بالسلطه +ثمرة فاكهة 


طلعتالزبادي وشلْت وشها وحطيت ملعقة صغيرة من العسل الأسود (الزبادي بالعسل بيساعد على حرق الدهون )
أول مرة أعرف ان الزبادي صغير كده أنا هجيب العلبة الكيلو بعد كده ولا كأني قلت حاجة بس لا لن التراجع ابدا 


راجعلكم اجهز الغدا وآجي ....

السلام عليكم ..

طبعا كل حاجة ليها بدايه
 وعلشان نبدأ في أي شيء احنا عايزين نعمله بنفكر فيه 100 مرة

 ويمكن منعملش حاجة لمجرد الكسل

 أو الخوف من الفشل أو أي حجة والسلام .

الدكتورة وزنة كل واحدة وماقلتش الوزن بصوت عالي (كتر خيرها )

والدور جه عليَّ وقفت على الميزان وسمعت صوت الدكتورة بتقول انزلي ..

بسيط لقيتها كتبت وزني على الورقة اللي فيها نظام الرجيم ..واو 87,5  كل ده كتير قوي بس معلش بكرة أبقى 60 بس (يارب )

أخدت الورقة وأنا عمالة أفكر!!!!!!!

 أبدأ النهارده ولا خليها من بكرة ..

قلت لأ

خير البر عاجله من دلوقتي أروح أشتري الحاجات وأرجع وأنا كلي حماس وأبدأ على طول
 .